1.7 லட்சம் விவசாயிகளுக்கு ஓய்வூதியம்: 3,975 தபாலகங்கள் மூலம் விநியோகம்!

60 வயதைப் பூர்த்தி செய்த விவசாயிகளுக்கு இந்த ஓய்வூதியக் கொடுப்பனவு செலுத்தப்படவுள்ளதாகக் கமத்தொழில் மற்றும் கமநலக் காப்புறுதிச் சபை அறிவித்துள்ளது.

புதிய அரசாங்கத்தின் அறிவுறுத்தல்களுக்கு அமைய, 2024-ஆம் ஆண்டிற்கு முன்னர் கட்டம் கட்டமாகத் தேங்கிக் கிடந்த பெருமளவிலான விவசாய ஓய்வூதிய விண்ணப்பங்கள் அனைத்தும் பரிசீலிக்கப்பட்டு பணிகள் பூர்த்தி செய்யப்பட்டுள்ளன. இதற்கமைய, குறைபாடற்ற விண்ணப்பங்களுக்கு ஒரு மாத காலத்திற்குள் ஓய்வூதியத்தைச் செலுத்த ஏற்பாடுகள் செய்யப்பட்டுள்ளன.

மேலும், 2014-ஆம் ஆண்டு ஜனவரி 1-ஆம் திகதி முதல் 60 வயதைப் பூர்த்தி செய்த விவசாயிகளின் தற்காலிகமாக இடைநிறுத்தப்பட்டிருந்த நிலுவை ஓய்வூதியத்தைச் செலுத்தும் வேலைத்திட்டத்தையும் அரசாங்கம் ஆரம்பித்துள்ளது.

திறைசேரியினால் ஒதுக்கப்படும் நிதிக்கொடைக்கு அமைய இந்த நிலுவத் தொகைகள் செலுத்தப்படும் என்றும், தவணைப் பணத்தைச் சரியாகச் செலுத்தாத விவசாயிகளுக்கான நிகர தவணைப் பணத்தைத் தயாரிக்கும் பணிகளும் ஆரம்பிக்கப்பட்டுள்ளதாகவும் சபை மேலும் தெரிவித்துள்ளது.