50 மில்லியன் ரூபாய் கொக்கைன் விழுங்கி வந்த உகாண்டா பிரஜை கட்டுநாயக்கவில் கைது!

கைது செய்யப்பட்டவர் உகாண்டா நாட்டைச் சேர்ந்த 43 வயதான விவசாயி ஆவார். அவர் உகாண்டாவின் என்டெபே நகரிலிருந்து தோஹா வழியாகக் கட்டார் ஏர்வேஸ் விமானம் மூலம் கட்டுநாயக்க விமான நிலையத்தைச் வந்தடைந்துள்ளார்.

விமான நிலையத்தில் சந்தேகத்திற்கிடமான முறையில் உலாவிக்கொண்டிருந்த அந்த நபரைச் சுங்கப் பிரிவினர் தடுத்து நிறுத்திச் சோதனை செய்தனர்.

ஆரம்பகட்ட விசாரணையில் அவர் சுமார் 90 கொக்கைன் உருண்டைகளை விழுங்கி உடலுக்குள் மறைத்து எடுத்துவந்தது தெரியவந்துள்ளது.

விசாரணையின் போதே அவர் தனது உடலிலிருந்து 13 போதைப்பொருள் உருண்டைகளை வெளியேற்றியுள்ளார்.

வயிற்றுக்குள் இருக்கும் எஞ்சிய போதைப்பொருள் உருண்டைகளைப் பாதுகாப்பாக வெளியேற்றுவதற்காகச் சந்தேகநபர் நீர்கொழும்பு பொது மருத்துவமனையில் அனுமதிக்கப்பட்டுள்ளார்.

கைப்பற்றப்பட்ட போதைப்பொருட்களுடன் சந்தேகநபரை மேலதிக சட்ட நடவடிக்கைகளுக்காகப் பொலிஸ் போதைப்பொருள் ஒழிப்புப் பிரிவினரிடம் (PNB) சுங்க அதிகாரிகள் ஒப்படைத்துள்ளனர்.