சாப்பிட்ட 30 நிமிடங்களில் உடலில் நடக்கும் அற்புத மாற்றங்கள்!

செரிமானத்தின் உச்சக்கட்டம்: இரையகத்தில் (Stomach) உள்ள அமிலங்களும் நொதிகளும் (Enzymes) உணவை உடைத்து, கூழ் போன்ற நிலைக்கு மாற்றும் பணியை வேகப்படுத்துகின்றன.

ரத்த சர்க்கரை அளவு உயர்வு: உணவிலுள்ள கார்போஹைட்ரேட்டுகள் குளுக்கோஸாக மாற்றப்பட்டு ரத்தத்தில் கலக்கின்றன. இதனால் ரத்தத்தில் சர்க்கரையின் அளவு அதிகரிக்கத் தொடங்குகிறது.

இன்சுலின் சுரப்பு: உயரும் சர்க்கரையின் அளவைக் கட்டுப்படுத்த கணையம் (Pancreas) 'இன்சுலின்' ஹார்மோனை ரத்தத்தில் செலுத்துகிறது. இது குளுக்கோஸை ஆற்றலாக மாற்ற உடலின் செல்லுக்களுக்கு அனுப்ப உதவுகிறது.

ரத்த ஓட்டம் மாறுதல்: செரிமானப் பணிக்காக உடலின் பிற பகுதிகளிலிருந்து ரத்த ஓட்டம் வயிறு மற்றும் குடலை நோக்கி அதிகளவில் திருப்பி விடப்படுகிறது.

லேசான சோர்வு (Post-meal dip): மூளைக்குச் செல்லும் ரத்த ஓட்டம் லேசாகக் குறைவதாலும், செரோடோனின் மற்றும் மெலடோனின் போன்ற ஹார்மோன்கள் சுரப்பதாலும் சாப்பிட்ட 30 நிமிடங்களில் லேசான தூக்க கலக்கமும் சோர்வும் ஏற்படுவது இயல்பு.

எனவே, சாப்பிட்ட உடனே தூங்காமல் லேசாக நடப்பது செரிமானத்தை மேலும் சீராக்க உதவும் என மருத்துவர்கள் அறிவுறுத்துகின்றனர்.