தூங்கும்போது நம் மூளையில் நடக்கும் மாயாஜாலம்! கனவுகள் பற்றிய அதிர்ச்சி தரும் உண்மைகள்

1. நாம் அனைவரும் கனவு காண்கிறோமா? "எனக்கு கனவே வராது" என்று சொல்பவர்கள் உண்டு. ஆனால், அறிவியல் அதற்கு மறுப்புத் தெரிவிக்கிறது. மனிதர்கள் ஒவ்வொருவரும் ஒவ்வொரு இரவிலும் தவறாமல் கனவு காண்கிறார்கள்.

நாம் தூங்கும் போது நடக்கும் REMகட்டத்தில்தான் அதிகப்படியான கனவுகள் உருவாகின்றன. விழித்தெழுந்தவுடன் சுமார் 90 சதவீத கனவுகளை நாம் மறந்துவிடுவதால் தான், "எனக்கு கனவே வரவில்லை" என்ற எண்ணம் ஏற்படுகிறது.

2. நாம் காணும் முகங்கள் அனைத்தும் புதியவையா?

செய்தி: கனவில் தோன்றும் நபர்கள் அனைவரும் நமது கற்பனையா? இல்லை என்பதே நிபுணர்களின் கருத்து.

விளக்கம்: நமது மூளையால் முற்றிலும் புதிய முகங்களை சுயமாக உருவாக்க முடியாது. நாம் கடந்து வந்த பாதையில், பேருந்தில் பார்த்த ஒருவரின் வழியில் கடந்த அந்நியர் அல்லது தொலைக்காட்சியில் கண்ட ஒருவரின் முகம் என நம் ஆழ்மனதில் பதிந்த ஆயிரக்கணக்கான முகங்களைத்தான் கனவு உருவாக்கும் போது மூளை திரைக்கு கொண்டு வருகிறது.

3. விலங்குகளும் கனவு காணுமா?

செய்தி: மனிதர்களைப் போல விலங்குகளும் கனவுலகில் சஞ்சரிக்கின்றன என்பது உங்களுக்குத் தெரியுமா?

நீங்கள் வளர்க்கும் நாய் அல்லது பூனை தூங்கும் போது அதன் கால்கள் இயங்குவதையோ, முணங்குவதையோ பார்த்திருக்கிறீர்களா? அவை விழித்திருக்கும் போது செய்த செயல்களை, குறிப்பாக ஓடுவது போன்ற நிகழ்வுகளைக் கனவில் அசைபோடுவதாக ஆய்வுகள் உறுதிப்படுத்துகின்றன.

4. கருப்பு-வெள்ளை கனவுகளும் வண்ணக் கனவுகளும்!

செய்தி: காலம் மாறிக் தொழில்நுட்பம் மாறியது போல, கனவு காணும் முறையிலும் தலைமுறைகள் வாரியாக மாற்றம் நிகழ்ந்துள்ளது.

 பழைய காலக் கருப்பு-வெள்ளை தொலைக்காட்சிப் பெட்டிகள் புழக்கத்தில் இருந்த காலத்தில், பெரும்பாலான மனிதர்கள் கருப்பு-வெள்ளை நிறங்களிலேயே கனவு கண்டதாக ஆய்வுகள் கூறுகின்றன. ஆனால், இன்றைய கலர் டிவி மற்றும் டிஜிட்டல் யுகத்தில் உள்ளவர்கள் அனைவரும் துடிப்பான வண்ணக் கனவுகளையே காண்கிறார்கள்!

கனவுகள் என்பவை வெறும் மாயை அல்ல; நமது மூளை பகலில் சேகரித்த தகவல்களைச் சீரமைப்பதற்கும், மன அழுத்தத்தைக் குறைப்பதற்கும் இயங்கும் ஒரு இயற்கையான வடிகால் அமைப்பு. எனவே, அடுத்த முறை நீங்கள் வித்தியாசமான கனவைக் கண்டால், அது உங்கள் மூமையின் அற்புதம் என்று புரிந்து கொள்ளுங்கள்!