ரசனைமிகு பிரியாணிக்கு அருமையான மசாலா தூள்: இல்லத்தரசிகளுக்கான சூப்பர் டிப்ஸ்!

தேவைப்படும் பொருள்கள் :

பட்டை : 10 கிராம்

கிராம்பு: 10 கிராம்

ஏலக்காய் : 10 கிராம்

சோம்பு / பெருஞ்சீரகம் : 2 டேபிள் ஸ்பூன்

பிரிஞ்சி இலை : 5 முதல் 6 இலைகள்

அன்னாசி முக்கு : 4

ஜாதிக்காய் : பாதி அளவு

மராட்டி மொக்கு : 3

கல்பசி : சிறிதளவு

மிளகு : 1 டேபிள் ஸ்பூன்

சீரகம் : 1 டேபிள் ஸ்பூன்

மல்லி விதைகள் : 2 டேபிள் ஸ்பூன்

செய்முறை விளக்கம் :

ஈரப்பதம் நீக்குதல்:

முதலில் அடுப்பில் ஒரு பாத்திரத்தை வைத்து மிதமான சூட்டில் சூடாக்கவும். மேலே குறிப்பிடப்பட்டுள்ள அனைத்துப் பொருட்களையும் (ஜாதிக்காய் தவிர) அதில் சேர்த்து, வெறும் 1 முதல் 2 நிமிடங்கள் மட்டும் லேசாக வறுக்க வேண்டும். (நினைவில் கொள்ளுங்கள்: கருகிவிடக் கூடாது, ஈரப்பதம் நீங்கினால் மட்டும் போதும்).

ஆறவைத்தல்:

வறுத்த பொருள்களுடன் ஜாதிக்காயையும் சேர்த்து, ஒரு தட்டில் மாற்றி நன்றாகக் குளிர விடவும்.

பொடியாக்குதல்:

நன்கு ஆறியதும், அவற்றை ஒரு உலர்ந்த மிக்ஸி ஜாரில் சேர்த்து, நைசாக அரைத்துக்கொள்ளவும்.

சல்லடை செய்தல் மற்றும் சேமிப்பு:

அரைத்த பொடியை ஒரு மெல்லிய சல்லடை மூலம் சலித்து, காற்றுப் புகாத கண்ணாடி பாட்டிலில் சேமித்து வைத்துக் கொள்ளலாம். இது பல மாதங்களுக்கு மணம் மாறாமல் புதியதாகவே இருக்கும்!

இனி உங்கள் வீட்டில் செய்யும் பிரியாணி சுவை தூள் பறக்கட்டும்! இந்த எளிய குறிப்பை நீங்களும் உங்கள் வீட்டில் முயற்சித்து பார்த்துவிட்டு உங்கள் குடும்பத்தினரை அசத்துங்கள்.