பாத வெடிப்பிற்கு முற்றுப்புள்ளி! எளிய வீட்டு வைத்தியக் குறிப்புகள்

உடலில் ஈரப்பதம் குறைவது, அதிக நேரம் நின்றுகொண்டே வேலை செய்வது, கரடுமுரடான தரைப்பகுதியில் வெறும் காலில் நடப்பது மற்றும் ஊட்டச்சத்து குறைபாடு ஆகியவை பாத வெடிப்பிற்கு முக்கியக் காரணங்களாகும்.

மருத்துவமனைகளுக்கோ அல்லது அதிக செலவுமிக்க பார்லர்களுக்கோ செல்லாமல், வீட்டில் உள்ள பொருட்களைக் கொண்டே பாத வெடிப்பை எவ்வாறு குணப்படுத்தலாம்? 

ஒரு அகலமான பாத்திரத்தில் மிதமான வெதுவெதுப்பான நீர் எடுத்துக்கொண்டு, அதில் சிறிதளவு கல் உப்பு மற்றும் எலுமிச்சை சாறு சேர்க்கவும்.

அதில் பாதங்களை 15 முதல் 20 நிமிடங்கள் ஊற வைக்க வேண்டும். பின்னர் 'பியூமிஸ் கல்' அல்லது ஸ்க்ரப்பர் கொண்டு பாதங்களில் உள்ள இறந்த செல்களை மெதுவாகத் தேய்த்து அகற்றி, உலர்ந்த துணியால் துடைக்க வேண்டும்.

 இரவில் படுப்பதற்கு முன், பாதங்களைச் சுத்தமாகக் கழுவித் துடைத்த பின், தேங்காய் எண்ணெய் அல்லது ஆமணக்கு எண்ணெயை வெடிப்புள்ள இடங்களில் நன்றாகத் தேய்த்து மசாஜ் செய்ய வேண்டும்.

எண்ணெய் தடவிய பின் பருத்தி சாக்ஸ் அணிந்து கொண்டு தூங்கச் செல்லலாம். இது பாதங்களுக்குத் தேவையான ஈரப்பதத்தை வழங்கி, தோலை மென்மையாக்கும்.

மருதாணி இலைகளுடன் சிறிது வேப்பிலை மற்றும் மஞ்சள் சேர்த்து அரைத்து பேஸ்ட் போல செய்துகொள்ள வேண்டும்.

இந்த பேஸ்ட்டை பாத வெடிப்புகளில் தடவி 30 நிமிடங்கள் ஊற வைத்துப் பின் கழுவ வேண்டும். மருதாணி பாதத்தைக் குளிர்ச்சியாக வைப்பதுடன், வேப்பிலையின் கிருமி நாசினி பண்பு தொற்றுகளைக் குணப்படுத்தும்.

கனிந்த வாழைப்பழத்தை நன்கு பிசைந்து, அதனுடன் ஒரு ஸ்பூன் தேன் கலந்து பாதங்களில் தடவ வேண்டும்.

15 நிமிடங்கள் கழித்துக் கழுவிவிட்டால், வறட்சியான பாதம் மறைந்து தோல் மிருதுவாகும்.

வீட்டை விட்டு வெளியே செல்லும்போது வெறும் காலில் செல்வதைத் தவிர்த்து, மென்மையான காலணிகளைப் பயன்படுத்த வேண்டும்.

நாள் ஒன்றுக்குக் குறைந்தபட்சம் 2 முதல் 3 லிட்டர் தண்ணீர் குடிப்பது உடலின் ஒட்டுமொத்த வறட்சியையும் தடுக்கும்.

குளித்து முடித்த உடனே பாதங்களுக்கு 'மாய்ஸ்சரைசர்' அல்லது பெட்ரோலியம் ஜெல்லி தடவுவது நல்ல பலன் தரும்.

பாத வெடிப்பு என்பது அலட்சியப்படுத்தக் கூடிய ஒன்று அல்ல. 

மேலே குறிப்பிட்ட எளிய இயற்கை வைத்தியங்களைத் தொடர்ந்து செய்து வருவதன் மூலம் ஓரிரு வாரங்களிலேயே நல்ல மாற்றத்தைக் காண முடியும்.இருப்பினும், நீண்ட நாட்களாகக் ஆறாத ஆழமான வெடிப்புகள், அதிக இரத்தப்போக்கு அல்லது சர்க்கரை நோய் உள்ளவர்கள் சுய மருத்துவத்தைத் தவிர்த்து, உடனடியாக மருத்துவரை அணுகி தகுந்த ஆலோசனை பெறுவது மிக அவசியமாகும்.