இலங்கையில் சிறுவர் புற்றுநோயாளர்களின் எண்ணிக்கை அதிகரிப்பு!

நாட்டில் வருடாந்தம் 900 தொடக்கம் 1,000 வரையிலான சிறுவர் புற்றுநோயாளர்கள் அடையாளம் காணப்படுவதோடு, வருடாந்தம் அடையாளம் காணப்படும் நோயாளர்களின் எண்ணிக்கை அதிகரித்துச் செல்வதாக சிறுவர் புற்றுநோய் தொடர்பான விசேட வைத்திய நிபுணர் சஞ்சீவ குணசேக்கர தெரிவித்துள்ளார்.

சுகாதார மேம்பாட்டுப் பணியகத்தில் புதன்கிழமை (9) இடம்பெற்ற விசேட ஊடகவியலாளர் சந்திப்பின் போதே அவர் இவ்வாறு குறிப்பிட்டார்.

வைத்தியர் தொடர்ந்து தெரிவிக்கையில்,

செப்டம்பர் மாதம் உலகளாவிய ரீதியில் சிறுவர் புற்றுநோய் விழிப்புணர்வு மாதமாகப் பிரகடனப்படுத்தப்பட்டுள்ளது. இதனையொட்டி சிறுவர் புற்றுநோய் தொடர்பான மூன்று முக்கிய விடயங்கள் குறித்து பொதுமக்களிடையே பரவலான விழிப்புணர்வு நடவடிக்கைகள் முன்னெடுக்கப்படுகின்றதாக தெரிவித்தார்.