உங்கள் கைபேசியும் தலையணையும் முகப்பருவை உண்டாக்குமா? - சரும நிபுணர்கள் கூறும் பகீர் பின்னணி!

 காரணம், உங்கள் முகத்தில் பூசும் கிரீம்கள் அல்ல; மாறாக நீங்கள் தினசரி பயன்படுத்தும் தலையணை உறை, மொபைல் போன் மற்றும் தலைமுடி தயாரிப்புகளாகத்தான் இருக்கும் எனச் சரும நல மருத்துவர்கள் அதிர்ச்சித் தகவலைத் தெரிவிக்கின்றனர்.

தலையணை உறையில் ஒளிந்துள்ள அழுக்குகள்

இரவு முழுவதும் நம் முகம் தலையணையில் படிந்திருக்கிறது. நாம் தூங்கும் போது தோலில் இருந்து சுரக்கும் எண்ணெய், வியர்வை, இறந்த செல்கள் மற்றும் தலையணை உறையில் சேரும் தூசிகள் அனைத்தும் அதில் தங்கிவிடுகின்றன. தோய்க்காத தலையணை உறையைத் தொடர்ந்து பயன்படுத்தும் போது, அதில் உள்ள பாக்டீரியாக்கள் முகத்தில் உள்ள துவாரங்களை அடைத்துத் தீவிர முகப்பருவை உண்டாக்குகின்றன.

கிருமிகளின் இருப்பிடமான மொபைல் போன்

நாம் தினமும் தொடும் மொபைல் போன்களின் திரையில் கழிப்பறையை விட அதிகமான பாக்டீரியாக்கள் நிறைந்துள்ளதாக ஆய்வுகள் தெரிவிக்கின்றன. போனில் பேசும்போது, அந்தச் சாக்கடை அளவிலான பாக்டீரியாக்கள் நேரடியாகக் கன்னம் மற்றும் தாடைப் பகுதிகளில் உராய்ந்து, சருமத் தொற்றையும் பருக்களையும் ஏற்படுத்துகின்றன.

தலைமுடி தயாரிப்புகள் 

நாம் பயன்படுத்தும் ஹேர் ஆயில், ஷாம்பு, கன்டீஷனர் மற்றும் ஹேர் ஸ்ப்ரே போன்ற தயாரிப்புகளில் உள்ள எண்ணெய்ப் பசையும் கெமிக்கல்களும் நெற்றி மற்றும் கன்னப் பகுதிகளில் படரும் போது, சருமத் துவாரங்கள் அடைபடுகின்றன. இது 'பொமேட் ஆக்னே' என்ற வகை முகப்பருவுக்கு வழிவகுக்கிறது.

மருத்துவர்கள் வழங்கும் எளிய தீர்வுகள்

வாரத்திற்கு இருமுறை தலையணை உறையை மாற்ற வேண்டும் பருக்கள் பிரச்சனை உள்ளவர்கள் பருத்தி அல்லது சில்க் தலையணை உறைகளைப் பயன்படுத்தி, அடிக்கடி துவைத்துச் சுத்தமாக வைத்திருக்க வேண்டும்.

மொபைல் திரையைத் துடைப்பது அவசியம்

தினமும் மொபைல் போன் திரையைத் தூய்மையான ஆல்கஹால் வைப்ஸ் கொண்டு துடைக்க வேண்டும் அல்லது போன் பேச இயர்போன் பயன்படுத்தலாம்.

தலையில் எண்ணெய் வைக்கும் போது கவனம்

தலைமுடிக்கு எண்ணெய் அல்லது ஜெல் பயன்படுத்திய பிறகு, முகம் மற்றும் நெற்றிப் பகுதியை நன்றாகக் கழுவ வேண்டும்.

கைகளால் முகத்தைத் தொடுவதைத் தவிர்க்கவும்

அடிக்கடி கைகளால் முகத்தைச் சொறிவதோ அல்லது பருக்களைக் கிள்ளுவதோ கூடவே கூடாது.

சிறிய அன்றாடப் பழக்கவழக்கங்களில் மாற்றத்தைச் செய்தாலே முகப்பரு அற்ற தெளிவான அழகிய சருமத்தைப் பெற முடியும் என மருத்துவர்கள் அறிவுறுத்துகின்றனர்!