கொழும்பு - ரம்புக்கனை ரயில் பாதை பாதிப்பு: ரயில் மீது மரம் சாய்ந்ததால் பயணிகள் அவதி!

கொழும்பு கோட்டை ரயில் நிலையத்திலிருந்து இன்று அதிகாலை 5.10 மணிக்கு தனது பயணத்தைத் தொடங்கிய ரம்புக்கனை நோக்கிய ரயில் மீதே எதிர்பாராதவிதமாக இந்த விபத்து ஏற்பட்டுள்ளது. பொல்கஹவெல ரயில் நிலையத்திற்கு அருகில் வந்துகொண்டிருந்த போது, தண்டவாளத்திற்கு அருகில் இருந்த பெரிய மரம் ஒன்று திடீரென முறிந்து ரயிலின் மீது விழுந்துள்ளது.

இந்த விபத்தின் காரணமாகப் பிரதான ரயில் பாதையில் போக்குவரத்து முற்றிலாகவும் பாதிக்கப்பட்டுள்ளதுடன், நீண்ட தூர மற்றும் அலுவலக ரயில்களின் சேவை பாதிக்கப்பட்டுள்ளது.

தண்டவாளத்தின் மீது விழுந்த மரத்தை அகற்றும் பணிகளிலும், ரயில் பாதையைச் சீரமைக்கும் பணிகளிலும் ரயில்வே துறையினர் தீவிரமாக ஈடுபட்டு வருகின்றனர். இதனால் குறித்த வழித்தளத்தில் பயணிக்கவிருந்த பயணிகள் அனைவரும் பெரும் சிரமங்களை எதிர்கொண்டுள்ளனர்.