சபாநாயகருக்கு எதிராக சர்வதேச அமைப்புகளில் தயாசிறி ஜயசேகர முறைப்பாடு!

பாராளுமன்றத்தில் எதிர்க்கட்சி உறுப்பினர்களின் உரிமைகள் மறுக்கப்படுவதாகவும், பாராளுமன்றத்தின் பாரம்பரிய நடைமுறைகள் மற்றும் ஜனநாயக நெறிமுறைகளை மீறி சபாநாயகர் செயல்படுவதாகவும் குற்றம் சாட்டியுள்ள அவர், இது தொடர்பாகவே இந்தச் சர்வதேச நடவடிக்கை எடுக்கப்பட்டுள்ளதாகக் குறிப்பிட்டுள்ளார்.

அகில உலக பாராளுமன்ற ஒன்றியம் மற்றும் சர்வதேச மனித உரிமைகள் அமைப்புகள் உள்ளிட்ட முக்கிய சர்வதேச நிறுவனங்களின் கவனத்திற்குச் சபாநாயகரின் செயல்பாடுகள் கொண்டு செல்லப்பட்டுள்ளன. பாராளுமன்ற உறுப்பினர்களின் கருத்துச் சுதந்திரம் மற்றும் ஜனநாயக உரிமைகளைப் பாதுகாப்பதை உறுதி செய்யுமாறு அந்த முறைப்பாட்டில் வலியுறுத்தப்பட்டுள்ளது.

பாராளுமன்றத்தின் சுயாதீன தன்மையைப் பாதுகாக்கவும், ஜனநாயக விழுமியங்களை நிலைநிறுத்தவுமே தாம் இந்த முடிவை எடுத்ததாகத் தயாசிறி ஜயசேகர மேலும் தெரிவித்துள்ளார். சபாநாயகருக்கு எதிரான இந்தச் சர்வதேச நகர்வு இலங்கை அரசியல் களத்தில் பெரும் பரபரப்பை ஏற்படுத்தியுள்ளது.