சமையலறை துணிகளில் உள்ள எண்ணெய் பிசுக்கு மற்றும் மஞ்சள் கறையை போக்க எளிய வழிகள்!

1. சூடான நீரில் கொதிக்க வைத்தல்

ஒரு பாத்திரத்தில் தண்ணீர் ஊற நல்ல கொதிக்க வைக்கவும். அதில் இரண்டு டேபிள் ஸ்பூன் சலவைத் தூள் மற்றும் ஒரு ஸ்பூன் பேக்கிங் சோடா சேர்த்து நன்றாகக் கலக்கவும்.

பிசுபிசுப்பான கிச்சன் துணிகளை அதில் போட்டு 10 முதல் 15 நிமிடங்கள் மிதமான தீயில் கொதிக்க விடவும். பின்னர் அடுப்பை அணைத்துவிட்டு, துணிகள் ஆறியதும் கைகளால் லேசாகத் தேய்த்துக் கழுவினால் அனைத்துக் கரைகளும் எண்ணெய் பிசுக்கும் முழுமையாக நீங்கிவிடும்.

2. எலுமிச்சை மற்றும் வினிகர் மாயம்

ஒரு வாளி வெதுவெதுப்பான நீரில் அரை கப் வினிகர் மற்றும் இரண்டு எலுமிச்சைப் பழங்களின் சாற்றைப் பிழியவும்.

அழுக்கடைந்த துணிகளை இந்தத் தண்ணீரில் இரவு முழுவதும் (அல்லது குறைந்தது 4-5 மணி நேரம்) ஊற வைக்கவும். எலுமிச்சை மற்றும் வினிகரில் உள்ள அமிலத்தன்மை துணிகளில் உள்ள கறைகளையும் துர்நாற்றத்தையும் எளிதில் அகற்றிவிடும். ஊறிய பிறகு வழக்கமான சோப்பு கொண்டு துவைத்தால் துணிகள் பளிச்சிடும்.

3. சோப்பு மற்றும் பேக்கிங் சோடா கலவை

கறைகள் அதிகமாக உள்ள இடங்களில் சிறிதளவு பேக்கிங் சோடாவைத் தூவி, அதன் மேல் எலுமிச்சைச் சாறு அல்லது லிக்யூப் சோப்பு ஊற்றிக் கொள்ளவும்.

 15 நிமிடங்கள் அப்படியே விட்டுவிட்டு, பிரஷ் கொண்டு லேசாகத் தேய்க்கவும். பின்பு சுடுநீரில் அலசினால் கடினமான கரைகளும் காணாமல் போய்விடும்.

சமையலறையில் பயன்படுத்தும் துணிகளைச் சுத்தமாகப் பராமரிப்பது என்பது நம் வீட்டின் ஆரோக்கியத்திற்கும் சுகாதாரத்திற்கும் மிக முக்கியமானதாகும். மேலே குறிப்பிடப்பட்டுள்ள எளிய இயற்கை முறைகளைப் பின்பற்றுவதன் மூலம், விலையுயர்ந்த ரசாயனப் பொருட்களைத் தவிர்க்கலாம்; மேலும், கிச்சன் துணிகளில் உள்ள எண்ணெய் பிசுக்களையும் கறைகளையும் எளிதில் நீக்கி நீண்ட நாட்களுக்குப் புதியவை போலப் பராமரிக்க முடியும்.