பழைய பட்டுப்புடவைகளுக்கு புதிய பொலிவு: ராயல் லுக் தரும் 8 அசத்தல் ஐடியாக்கள்!

பீரோவில் பல வருடங்களாகப் பயன்படாமல் இருக்கும் பழைய பட்டுப்புடவைகளை என்ன செய்வது என்று தெரியாமல் யோசித்துக்கொண்டிருக்கிறீர்களா? பாரம்பரியமும் கம்பீரமும் நிறைந்த பட்டுப்புடவைகளை வீணாக்காமல், நவீன ஃபேஷன் ட்ரெண்டிற்கு ஏற்ப மாற்றியமைக்க 8 அசத்தலான வழிகள் இதோ:

1. கம்பீரமான அனார்கலி & கெளன் :

பட்டுப்புடவையின் அகலமான பார்டர்களைப் பயன்படுத்தி பிரம்மாண்டமான அனார்கலி சூட் அல்லது பாட்டம் பார்டர் வைக்கப்பட்ட ஃபுல்-லென்த் கெளன்களைத் தைக்கலாம். இது விசேஷங்களுக்கு அணிய ராயல் தோற்றத்தைத் தரும்.

2. ட்ரெண்டி லஹங்கா :

புடவையின் உடற்பகுதியை (Body Part) லஹங்கா பாவாடையாகவும், முந்தானைப் பகுதியை அதற்குப் பொருத்தமான பிளவுஸ் அல்லது துப்பட்டாவாகவும் மாற்றி ஒரு புத்தம் புதிய டிசைனர் லஹங்காவை உருவாக்கலாம்.

3. எத்னிக் ஜாக்கெட் :

பட்டுப் புடவையின் முந்தானை அல்லது பார்டர் பகுதியைக் கொண்டு 'க்ராப் ஜாக்கெட்' (Crop Jacket) தைத்து, அதைச் சாதாரண பிளைன் குர்தி (Plain Kurti) அல்லது ஜீன்ஸுடன் மேட்ச் செய்து நவீன எத்னிக் லுக் பெறலாம்.

4. ராயல் குர்தி டிசைன்கள் :

முழுப் புடவையையும் பயன்படுத்தி இரண்டு அல்லது மூன்று விதமான வித்தியாசமான குர்திக்களை வடிவமைக்கலாம். கான்ட்ராஸ்ட் நிறப் பேன்ட்களுடன் இவற்றை அணியும்போது மிகவும் நேர்த்தியாக இருக்கும்.

5. ஃபியூஷன் பாவாடை :

பட்டு பார்டர்களுடன் கூடிய 'ஏ-லைன்' (A-Line) அல்லது 'ப்ளீடெட்' (Pleated) ஸ்கர்ட்களைத் தைத்து, அதை ஒயிட் ஷர்ட் (White Shirt) உடன் மேட்ச் செய்து அணிவது தற்போதைய நவீன ட்ரெண்ட்.

6. பிரம்மாண்டமான துப்பட்டா :

புடவையின் மையப்பகுதியை மட்டும் வெட்டி எடுத்து, சுற்றிலும் அழகான லேஸ் அல்லது பார்டர் த தைத்து 'ஹெவி பட்டு துப்பட்டா'வாகப் பயன்படுத்தலாம். இதைச் சாதாரண காட்டன் சூட்களுடன் அணியும்போது எடுப்பாக இருக்கும்.

7. வீட்டின் அழகுக்கு திரைச்சீலைகள் :

உடுக்க முடியாத நிலையில் உள்ள பழைய பட்டுப்புடவைகளை வரவேற்பறைக்கான (Living Room) ராயல் திரைச்சீலைகளாகவோ (Curtains) அல்லது குஷன் கவர்களாகவோ (Cushion Covers) மாற்றி வீட்டைப் பொலிவாக்கலாம்.

8. குழந்தைகளுக்குப் பாவாடை சட்டை :

வீட்டில் உள்ள சிறிய பெண் குழந்தைகளுக்குப் பட்டுப் பாவாடை சட்டை, லங்கா வோணி அல்லது குட்டி கவுன்கள் தைத்துக் கொடுக்கப் பழைய பட்டுப்புடவைகளே மிகச்சிறந்த தேர்வு.