இலங்கை அதிகாரிகளுடன் முக்கிய பேச்சுவார்த்தை: சர்வதேச நாணய நிதியத்தின் பிரதிநிதிகள் இன்று வருகை!

இலங்கையின் பொருளாதாரச் சீர்திருத்தத் திட்டம் மற்றும் பரந்த பொருளாதாரக் கண்ணோட்டம் ஆகியவை குறித்த முக்கிய மதிப்பீட்டை நாடு எதிர்கொண்டுள்ள நிலையில், அதிகாரிகளுடன் பேச்சுவார்த்தை நடத்துவதற்காக சர்வதேச நாணய நிதியத்தின் (IMF) குழுவினர் இன்று (10) நாட்டிற்கு வருகை தரவுள்ளனர்.

நீட்டிக்கப்பட்ட நிதியுதவி வசதி (EFF) திட்டத்தின் கீழ் ஒருங்கிணைந்த ஏழாவது மீளாய்வு மற்றும் 2026-ஆம் ஆண்டிற்கான நான்காவது சரத்து (Article IV) சார்ந்த கலந்தாய்வு ஆகியவை குறித்த விவாதங்களுக்காகவே இப்பயணம் அமைந்துள்ளது.

இலங்கைக்கான பணிக்குழுத் தலைவர் இவான் பாபஜார்ஜியோ தலைமையிலான சர்வதேச நாணய நிதியக் குழு செப்டம்பர் 23 வரை நாட்டில் தங்கியிருக்கும் என தெரிவிக்கப்பட்டுள்ளது.