ஊழல்வாதிகளுக்கு எவ்வித இரக்கமும் காட்டப்பட மாட்டாது: அதிபர் அநுர குமார திஸாநாயக்க எச்சரிக்கை!

 நாட்டின் மோசடிகள் மற்றும் ஊழல்களில் ஈடுபடுபவர்களுக்கு எதிராக எவ்வித இரக்கமும் காட்டப்பட மாட்டாது என்று அதிபர் அநுர குமார திஸாநாயக்க அதிரடியாகத் தெரிவித்துள்ளார்.

Newsfirst ஆங்கிலச் செய்திப் பக்கத்திற்கு அளித்த பேட்டியிலேயே அவர் இதனை உறுதியாகக் குறிப்பிட்டுள்ளார்.

சட்டத்தையும் நீதியையும் நாட்டில் முறையாக நிலைநாட்டுவதற்காகவே மக்கள் தங்களுக்கு இந்த ஆட்சி அதிகாரத்தை வழங்கியுள்ளனர் என்றும் அதிபர் சுட்டிக்காட்டியுள்ளார்.

எனவே, ஊழல்வாதிகளுக்கு எதிராகச் சட்டம் தனது கடமையை எவ்வித தயக்கமுமின்றித் தீவிரமாகச் செய்யும் என்றும் அவர் வலியுறுத்தியுள்ளார்.