சுவையும் ஆரோக்கியமும் நிறைந்த 'அத்திக்காய் ஊறுகாய்': வீட்டிலேயே எளிதாகச் செய்யும் முறை!

தேவையான பொருட்கள்:

பிஞ்சு அத்திக்காய் – 250 கிராம்

நல்லெண்ணெய் – 4 முதல் 5 டேபிள் ஸ்பூன்

கடுகு, பெருங்காயத்தூள் – தலா 1 டீஸ்பூன்

தனி மிளகாய்த்தூள் – 2 டீஸ்பூன்

வெந்தயத்தூள் – half டீஸ்பூன்

எலுமிச்சை சாறு – 2 டேபிள் ஸ்பூன்

உப்பு, மஞ்சள் தூள் – தேவையான அளவு

செய்முறை:

தயாரிப்பு: அத்திக்காயை நன்கு கழுவி, நடுத்தர அளவிலான துண்டுகளாக நறுக்கி கொள்ள வேண்டும்.

வேகவைத்தல்: ஒரு பாத்திரத்தில் தண்ணீர் கொதிக்க வைத்து, சிறிதளவு மஞ்சள் தூள் மற்றும் உப்பு சேர்த்து நறுக்கிய அத்திக்காயைப் போட்டு 5 நிமிடங்கள் அரை வேக்காடாக வேகவைத்து எடுத்து, தண்ணீரை வடிக்க வேண்டும்.

ஈரம் உலர்த்துதல்: வெந்த அத்திக்காய் துண்டுகளை ஒரு சுத்தமான துணியில் பரப்பி, ஈரம் முற்றிலும் போகும் வரை உலர வைக்க வேண்டும்.

தாளித்தல்: வாணலியில் நல்லெண்ணெய் ஊற்றிக் சூடானதும் கடுகு, பெருங்காயத்தூள் சேர்த்துத் தாளிக்கவும்.

மசாலா சேர்த்தல்: உலர வைத்த அத்திக்காய் துண்டுகளை எண்ணெயில் சேர்த்து மிதமான தீயில் 2 நிமிடங்கள் வதக்க வேண்டும். பின்னர் மிளகாய்த்தூள், வெந்தயத்தூள் மற்றும் தேவையான அளவு உப்பு சேர்த்து நன்கு கிளறவும்.

இறுதிப் படி: மசாலா பச்சை வாசனை போனதும் அடுப்பை அணைத்து ஆறவிட வேண்டும். சூடு ஆறின பிறகு எலுமிச்சை சாறு சேர்த்துக் கலந்தால் சுவையான, ஆரோக்கியமான அத்திக்காய் ஊறுகாய் தயார்!

ஆரோக்கிய நன்மைகள்:

இரத்த சோகை நீங்கும்: அத்திக்காயில் இரும்புச்சத்து அதிகளவில் உள்ளதால், இரத்தத்தில் ஹீமோகுளோபின் அளவை அதிகரிக்க உதவுகிறது.

செரிமானம் சீராகும்: நார்ச்சத்தும் மருத்துவக் குணங்களும் நிறைந்துள்ளதால், மலச்சிக்கல் மற்றும் வயிற்றுப் புண்களைக் குணப்படுத்த வல்லது.

சர்க்கரை நோய் கட்டுப்பாடு: நீரிழிவு நோயாளிகளுக்குக் குருதியில் சர்க்கரையின் அளவைச் சீராக வைத்திருக்க அத்திக்காய் பெரிதும் துணைபுரிகிறது.

குறிப்பு:

தயாரித்த ஊறுகாயைச் சுத்தமான, ஈரமில்லாத கண்ணாடி பாட்டிலில் அடைத்து வைத்தால் பல நாட்கள் கெடாமல் இருக்கும். நல்லெண்ணெய் மற்றும் எலுமிச்சை சாறு மட்டுமே இதில் இயற்கை பாதுகாப்பானாகச் செயல்படுகிறது.