நாக்குக்கு ருசியான பாரம்பரிய வெங்காய சம்பல் செய்முறை!

எளிதில் கிடைக்கக்கூடிய பொருட்களைக் கொண்டு, மிகக் குறுகிய காலத்தில் சுவையாகவும் காரசாரமாகவும் செய்யக்கூடிய வெங்காய சம்பல் செய்முறையை இப்போது பார்ப்போம்!

தேவையான பொருட்கள்

பெரிய வெங்காயம் - 3 (மெலிதாக நறுக்கியது)

மிளகாய்த்தூள் - 1.5 மேஜைக்கரண்டி

சீனி - 1 முதல் 1.5 மேஜைக்கரண்டி

புளி - சிறிய எலுமிச்சை அளவு 

கறிவேப்பிலை, ரம்பை இலை - சிறிதளவு

ஏலக்காய், கிராம்பு - தலா 2

சிறிய துண்டு இலவங்கப்பட்டை - 1

மாசித் தூள் - 1 தேக்கரண்டி (விருப்பப்பட்டால்)

எண்ணெய் & உப்பு - தேவையான அளவு

செய்முறை

மெலிதாக நறுக்கிய வெங்காயத்தில் சிறிதளவு உப்பு மற்றும் மிளகாய்த்தூள் சேர்த்து நன்றாகக் பிசைந்து 5 நிமிடங்கள் வைக்கவும்.

 ஒரு கடாயில் எண்ணெய் ஊற்றி சூடானதும் ஏலக்காய், கிராம்பு, இலவங்கப்பட்டை, கறிவேப்பிலை மற்றும் ரம்பை இலை சேர்த்துத் தாளிக்கவும்.

 பிசைந்து வைத்துள்ள வெங்காயத்தைச் சேர்த்து மிதமான தீயில் நிறம் பொன்னிறமாக மாறும் வரை நன்றாக வதக்க வேண்டும்.

வெங்காயம் சுருங்கி மென்மை ஆனதும், மீதமுள்ள மிளகாய்த்தூள், மாசித் தூள் மற்றும் கெட்டியான புளிச்சாறு சேர்த்து கிளறவும்.

மசாலாவின் பச்சை வாசனை போனவுடன் சீனியைச் சேர்க்கவும். சீனி உருகி, வெங்காயத்துடன் சேர்ந்து அடர்ந்த பழுப்பு நிறத்திற்கு வரும் வரை கிளறிக்கொண்டே இருக்க வேண்டும்.

இதை எண்ணெய் பிரிந்து, காரமும் இனிப்பும் கலந்த பதம் வந்ததும் இறக்கலாம்.

வெங்காய சம்பல் ஆறியவுடன் ஒரு சுத்தமான, ஈரம் இல்லாத கண்ணாடி பாட்டிலில் அடைத்து வைத்தால், குளிர்சாதனப் பெட்டியில் வைக்காமலே சில நாட்கள் கெட்டுப்போகாமல் இருக்கும்.

இதை பாண் , ரொட்டி, இடியப்பம் அல்லது பால் சோற்றுடன் தொட்டுச் சாப்பிட்டால் சுவை அருமையாக இருக்கும்!