கொழும்பில் அமெரிக்கத் தூதுவர் - இலங்கை பாதுகாப்பு பிரதி அமைச்சர் உயர்மட்டச் சந்திப்பு!

இலங்கையில் புதிய பிரதி அமைச்சராகப் பொறுப்பேற்றுக்கொண்ட ஓய்வுபெற்ற மேஜர் ஜெனரல் அருண ஜெயசேகரவிற்கு அமெரிக்கத் தூதுவர் தனது வாழ்த்துகளைத் தெரிவித்துக் கொண்டார். அதனைத் தொடர்ந்து இரு நாடுகளுக்கும் இடையிலான இருதரப்பு பாதுகாப்பு உறவுகள், பிராந்திய அமைதி மற்றும் கடல்சார் பாதுகாப்பு ஒத்துழைப்பு ஆகிய முக்கிய விடயங்கள் குறித்து இச்சந்திப்பின் போது விரிவாகக் கலந்துரையாடப்பட்டது.

மேலும், இலங்கை ஆயுதப் படைகளுக்கான நவீனப் பயிற்சிகள் மற்றும் இரு நாடுகளும் இணைந்து முன்னெடுக்கும் பாதுகாப்புச் சார்ந்த திட்டங்களைத் தொடர்ச்சியாகச் முன்னெடுத்துச் செல்வது தொடர்பாகவும் இரு தரப்பிலும் கருத்துக்கள் பரிமாறப்பட்டன.

இலங்கை மற்றும் அமெரிக்காவிற்கு இடையிலான நீண்டகால பாதுகாப்புத் துறை ரீதியான ஒத்துழைப்பை மேலும் வலுப்படுத்த இந்த முதலாவது அதிகாரப்பூர்வ சந்திப்பு முக்கிய திருப்புமுனையாக அமையும் என எதிர்பார்க்கப்படுகிறது.