என்ஜின் பழுதால் இலங்கையில் சிக்கிய 11 மீனவர்கள் விடுவிப்பு

ராமேசுவரத்தில் இருந்து மீன்பிடிக்கச் சென்ற தமிழக மீனவர்கள் 11 பேர், படகின் என்ஜின் பழுதானதால் இலங்கை கடற்பகுதிக்குள் சென்று கரை ஒதுங்கினர். இதையடுத்து இலங்கை கடற்படையினர் அவர்களை பிடித்து நீதிமன்றத்தில் ஆஜர்படுத்தினர்.

இந்த வழக்கை விசாரித்த இலங்கை நீதிமன்றம், 11 மீனவர்களுக்கும் அபராதம் விதித்து விடுதலை செய்ய உத்தரவிட்டது. இதையடுத்து அபராதத் தொகை செலுத்தப்பட்ட நிலையில், அவர்கள் விடுவிக்கப்பட்டுள்ளனர்.

மேலும், நீதிமன்றம் விதித்த அபராதத்தை செலுத்தத் தவறினால், 3 மாதங்கள் சிறைத்தண்டனை அனுபவிக்க வேண்டும் என்றும் உத்தரவிடப்பட்டுள்ளதாக தெரிவிக்கப்பட்டுள்ளது.

விடுவிக்கப்பட்ட மீனவர்கள் விரைவில் தமிழகம் திரும்புவதற்கான நடவடிக்கைகள் மேற்கொள்ளப்பட்டு வருகின்றன.