நிதி அமைச்சின் அதிரடி நடவடிக்கை: 33 அரசு நிறுவனங்களைக் கலைக்கும் பணிகள் ஆரம்பம்!

அமைச்சரவை ஒப்புதலுக்கு அமைய, அரசு நிறுவனங்களை மறுசீரமைப்பதற்கான பிரத்யேகப் பிரிவு கடந்த மார்ச் மாதம் நிறுவப்பட்ட நிலையில், அப்பிரிவு தற்போது குறித்த 33 நிறுவனங்களைக் கலைக்கும் பணிகளில் ஈடுபட்டு வருவதாகத் தெரிவிக்கப்பட்டுள்ளது.

இதனிடையே, அரசு நிறுவன ஊழியர்களின் EPF, ETF மற்றும் பணிக்கொடை கொடுப்பனவு நிலுவைகளைத் தீர்ப்பதற்காக ஒதுக்கப்பட்ட 5 பில்லியன் ரூபாயில், 2.8 பில்லியன் ரூபாய் கடந்த ஆகஸ்ட் மாத இறுதிக்குள் திறைசேரியினால் வழங்கப்பட்டு முடிவடைந்துள்ளது.

இதேவேளை, மத்திய கிழக்கு மோதல்கள், மூலப்பொருள் செலவு அதிகரிப்பு மற்றும் விநியோகச் சங்கிலித் தடங்கல்கள் போன்ற பல சவால்களுக்கு மத்தியிலும், 51 பிரதான அரசு நிறுவனங்கள் 2026 ஆம் ஆண்டின் முதல் ஆறு மாதங்களில் 259.3 பில்லியன் ரூபாய் மொத்த இலாபத்தைப் பதிவு செய்துள்ளன.

இது கடந்த 2025 ஆம் ஆண்டின் இதே காலப்பகுதியுடன் ஒப்பிடுகையில் 31.5 பில்லியன் ரூபாய் இலாப அதிகரிப்பு என்பது குறிப்பிடத்தக்கது.