மஹிந்த ராஜபக்ஷ அரங்கு கதிரைகள் கொள்வனவு விவகாரம்: நீதிமன்றத்தில் ஆஜர்படுத்தப்படுகிறார் முன்னாள் அதிகாரி!

பொல்கொல்ல மஹிந்த ராஜபக்ஷ அரங்குக்காகக் கதிரைகளைக் கொள்வனவு செய்தபோது, உரிய தரத்துடன் குறைந்தபட்ச விலையை முன்வைத்த தனியார் நிறுவனத்திடமிருந்து அவற்றைக் கொள்வனவு செய்யாமல், வேறொரு தனியார் நிறுவனத்திடமிருந்து கொள்வனவு செய்ய இவர் நடவடிக்கை எடுத்துள்ளதாகக் குற்றஞ்சாட்டப்பட்டுள்ளது.

இதன் மூலம் அரசுக்கு 7 மில்லியன் 9 இலட்சத்து 73 ஆயிரத்து 114 ரூபாய் மற்றும் ஐம்பது சதம் நிதி நஷ்டத்தை ஏற்படுத்தி, வெளித்தரப்பு ஒன்றுக்குச் சட்டவிரோத நன்மையைப் பெற்றுக்கொடுத்ததன் மூலம் 'ஊழல்' குற்றத்தைச் செய்துள்ளதாக இவர் மீது குற்றம் சுமத்தப்பட்டுள்ளது.

கைது செய்யப்பட்டுள்ள சந்தேக நபர், மேலதிக சட்ட நடவடிக்கைகளுக்காகக் கொழும்பு பிரதான நீதிவான் நீதிமன்றத்தில் ஆஜர்படுத்தப்படவுள்ளார்.