Blood Test For Alzheimer's: ஞாபக மறதி நோயை ரத்தப் பரிசோதனை மூலம் கண்டுபிடிக்கலாமா?

இனி ஒரு எளிய ரத்தப் பரிசோதனை மூலமே அல்சைமர் நோயை ஆரம்பக் கட்டத்திலேயே துல்லியமாகக் கண்டறிய முடியும்.

இதுவரை இருந்த பரிசோதனை முறைகள் என்ன?

முன்பெல்லாம் அல்சைமர் நோயைக் கண்டறிய:

விலையுயர்ந்த MRI அல்லது PET Scan முறைகள்,

முதுகெலும்பு தண்டுவடப் பகுதியிலிருந்து திரவத்தைச் சேகரித்துச் செய்யப்படும் Lumbar Puncture போன்ற வலி மிகுந்த பரிசோதனைகளே தேவைப்பட்டன.

இதனால் பலராலும் இந்தச் சோதனைகளை உடனடியாகச் செய்ய முடியாமல் போனது.

புதிய ரத்தப் பரிசோதனை எவ்வாறு செயல்படுகிறது?

மூளையில் அல்சைமர் நோய் உருவாகும்போது, நரம்பு மண்டலத்தில் p-tau217 மற்றும் Amyloid beta என்ற புரதங்கள் குவியத் தொடங்குகின்றன.

தற்போது கண்டறியப்பட்டுள்ள புதிய ரத்தப் பரிசோதனையானது, ரத்தத்தில் உள்ள இந்த புரதங்களின் அளவைக் மிகத் துல்லியமாகக் கணக்கிடுகிறது. இதன் மூலம் மூளையில் பாதிப்புத் தொடங்கியுள்ளதா என்பதை 90 சதவீதத்திற்கும் அதிகமான துல்லியத்துடன் உறுதி செய்ய முடிகிறது.

இந்தக் கண்டுபிடிப்பின் முக்கிய நன்மைகள்:

முன்கூட்டியே கண்டறிதல் (Early Detection):

நினைவாற்றல் இழப்பு போன்ற அறிகுறிகள் வெளியே தெரிவதற்கு பல ஆண்டுகளுக்கு முன்பே, மூளையில் ஏற்படும் மாற்றங்களை இந்த ரத்தப் பரிசோதனை மூலம் கண்டறிந்து விடலாம்.

எளிமையான மற்றும் குறைந்த செலவு:

பெரிய ஸ்கேன் கருவிகளோ அல்லது கடினமான வழிமுறைகளோ இன்றி, ஒரு சிறிய ரத்த மாதிரியைக் கொண்டே சில நாட்களில் முடிவைப் பெற முடியும்.

உடனடிச் சிகிச்சை :

நோயை ஆரம்ப நிலையிலேயே கண்டறிவதால், மூளை செல்கள் மேலும் சேதமடைவதைத் தடுக்கும் நவீன சிகிச்சைகளை மருத்துவர்களால் உடனடியாகத் தொடங்க முடியும்.

அமெரிக்காவின் FDA போன்ற சர்வதேச சுகாதார அமைப்புகள் இந்த நவீன ரத்தப் பரிசோதனை முறைகளுக்கு ஒப்புதல் அளித்து வருகின்றன. உலகெங்கிலும் உள்ள கோடிக்கணக்கான முதியவர்களுக்கும், அவர்களது குடும்பத்தினருக்கும் இந்த ரத்தப் பரிசோதனை முறை ஒரு மிகப்பெரிய மருத்துவ நம்பிக்கையாக உருவெடுத்துள்ளது.