ரூ. 792 மில்லியன் சிகரெட்டுகள் பறிமுதல்: சுங்கத்துறை அதிரடி!

இந்தியாவில் இருந்து நகல் காகிதங்கள் (photocopy paper) கொண்டுவரப்படுவதாக போலி இறக்குமதி ஆவணங்களைச் சமர்ப்பித்து, இந்த மிகப்பெரிய கடத்தல் மோசடியை மேற்கொள்ள முயற்சி செய்யப்பட்டுள்ளது.

கந்தானைப் பகுதியில் அமைந்துள்ள ஒரு போலி முகவரி மற்றும் ஆவணங்களைக் கொண்ட நிறுவனத்தின் பெயரிலேயே இந்த கொள்கலன் இறக்குமதி செய்யப்பட்டுள்ளது சுங்க அதிகாரிகளின் விசாரணையில் தெரியவந்துள்ளது.

சுங்க அதிகாரிகள் நடத்திய தீவிர சோதனையின் போது, கொள்கலனுக்குள் மறைத்து வைக்கப்பட்டிருந்த 457 அட்டைப்பெட்டிகளிலிருந்த வெளிநாட்டு சிகரெட்டுகள் கைப்பற்றப்பட்டன.

சம்பவம் தொடர்பில் சந்தேகத்தின் பேரில் ஒருவர் இதுவரை கைது செய்யப்பட்டுள்ள நிலையில், சட்டவிரோதக் கடத்தலைக் கட்டுப்படுத்தக் கடுமையான சட்ட நடவடிக்கைகளை முடுக்கிவிட்டுள்ள இலங்கை சுங்கத்தின் மத்திய புலனாய்வுப் பிரிவு, மேலதிக விசாரணைகளை முன்னெடுத்து வருகிறது.