உடற்பயிற்சி செய்பவர்கள் மற்றும் குழந்தைகளுக்கு ஏற்ற ஆரோக்கியமான 'ஹோம்மேட் பீனட் பட்டர்'!

தேவையான பொருட்கள்:

வறுத்த வேர்க்கடலை (தோல் உரித்தது) – 2 கப்

தேன் அல்லது நாட்டுச் சர்க்கரை – 1 டீஸ்பூன் (தேவைப்பட்டால்)

உப்பு – ஒரு சிட்டிகை

நல்லெண்ணெய் அல்லது தேங்காய் எண்ணெய் – 1 டீஸ்பூன் (விருப்பப்பட்டால்)

செய்முறை விளக்கக் குறிப்பு:

முதலில் தோல் உரிக்கப்பட்டு நன்றாக வறுத்த வேர்க்கடலையை ஒரு மிக்ஸி ஜாரில் சேர்த்துக்கொள்ள வேண்டும்.

அதைத் தொடர்ந்து 1 நிமிடம் மிக்ஸியை இயக்கினால், வேர்க்கடலை பொடியாக மாறும்.

மீண்டும் சில நொடிகள் அரைக்கும் போது, வேர்க்கடலையில் உள்ள இயற்கையான எண்ணெய் வெளிவந்து பசை போல மாறத் தொடங்கும்.

இந்த அமைப்பில் ஒரு சிட்டிகை உப்பு மற்றும் சுவைக்காகத் தேன் அல்லது நாட்டுச் சர்க்கரை சேர்த்து, மீண்டும் சில நொடிகள் அரைத்தால் கடைகளில் வாங்குவது போன்ற மிருதுவான, சுவையான 'பீனட் பட்டர்' தயார்!

ஆரோக்கிய நன்மைகள்:

வீட்டிலேயே செய்யப்படும் பீனட் பட்டரில் உடலுக்கு நன்மையளிக்கும் புரதச்சத்து, ஆரோக்கியமான கொழுப்பு மற்றும் நார்ச்சத்துக்கள் நிறைந்துள்ளன. இதனை ரொட்டி, சப்பாத்தி அல்லது பழங்களுடன் சேர்த்துச் சாப்பிடுவது உடலுக்கு உடனடி ஆற்றலை வழங்கும்.