ஆரோக்கியம் நிறைந்த ‘கோதுமை ரவை வெஜ் பணியாரம்’ – செய்வது எப்படி?

சத்தான கோதுமை ரவையும், காய்கறிகளும் சேர்ந்து உடலுக்குத் தேவையான ஊட்டச்சத்துக்களைத் தருவதோடு, செய்வதும் மிகவும் எளிது. அது எப்படி என்று இப்போது பார்ப்போம்!

தேவையான பொருட்கள் :

கோதுமை ரவை : 1 கப்

பொடியாக நறுக்கிய காய்கறிகள்:

கேரட் - 1 (துருவியது)

பச்சைப் பட்டாணி (அல்லது குடைமிளகாய்) - கால் கப்

பெரிய வெங்காயம் - 1 (பொடியாக நறுக்கியது)  

தயிர்: அரை கப் (புளிக்காதது)

பச்சை மிளகாய்: 2 (பொடியாக நறுக்கியது)

இஞ்சி: சிறிய துண்டு (துருவியது)

கறிவேப்பிலை, கொத்தமல்லி: சிறிதளவு  

தாளிக்க: கடுகு, உளுத்தம்பருப்பு, கடலைப்பருப்பு

சமையல் சோடா: ஒரு சிட்டிகை (தேவைப்பட்டால்)  

எண்ணெய் மற்றும் உப்பு: தேவையான அளவு

செய்முறை விளக்கம் :

ரவை தயாரிப்பு: முதலில் ஒரு பாத்திரத்தில் கோதுமை ரவையை எடுத்துக்கொண்டு, அதனுடன் தயிர் மற்றும் சிறிது தண்ணீர் சேர்த்து தோசை மாவு பதத்திற்கு சற்று திக்காக கரைத்து, 15 முதல் 20 நிமிடங்கள் ஊற வைக்கவும். ரவை ஊறியதும் நன்றாக உப்பி வரும்.

தாளித்தல்: கடாயில் சிறிதளவு எண்ணெய் ஊற்றி, கடுகு, உளுத்தம்பருப்பு, கடலைப்பருப்பு தாளித்து, நறுக்கிய வெங்காயம், பச்சை மிளகாய், இஞ்சி மற்றும் காய்கறிகளைச் சேர்த்து லேசாக வதக்கிக் கொள்ளவும் (காய்கறிகள் முழுமையாக வேகத் தேவையில்லை, மொறுமொறுப்பாக இருக்க வேண்டும்).

கலவை ரெடி: வதக்கிய காய்கறிகளை ஊற வைத்திருக்கும் கோதுமை ரவை மாவுடன் சேர்த்துக் கொள்ளவும். அதனுடன் பொடியாக நறுக்கிய கொத்தமல்லி, கறிவேப்பிலை மற்றும் தேவையான அளவு உப்பு சேர்த்து நன்றாகக் கலக்கிக் கொள்ள வேண்டும்.

பணியாரம் சுடுதல்: அடுப்பில் பணியாரக் கல்லை வைத்து சூடானதும், ஒவ்வொரு குழியிலும் சிறிதளவு எண்ணெய் ஊற்றவும். இப்போது தயார் செய்து வைத்துள்ள மாவை குழிகளில் ஊற்றவும்.

பொன்னிற வறுவல்: மூடி போட்டு மிதமான தீயில் வேகவிடவும். ஒருபுறம் வெந்ததும், மறுபுறம் திருப்பிப் போட்டு பொன்னிறமாக வந்தவுடன் இறக்கினால், சூடான, மொறுமொறுப்பான ‘கோதுமை ரவை வெஜ் பணியாரம்’ தயார்!

காரசாரமான காரத் சட்னி அல்லது தேங்காய் சொட்டுடன் இதைச் சுவைத்தால் தட்டிலிருந்து பணியாரம் காலியாக நொடிகளாகும்! இன்றே உங்கள் வீட்டில் இதை ட்ரை பண்ணிவிட்டு உங்கள் குடும்பத்தினரின் பாராட்டுக்களைப் பெறுங்கள்.