அனோஜனுக்கு கருணை காட்டுமாறு சவூதி அதிகாரிகளிடம் கோரிக்கை

சமூக ஊடகத்தில் வெளியிட்ட ஆட்சேபனைக்குரிய கருத்து தொடர்பாக அனோஜனுக்கு முதலில் 5 ஆண்டுகள் சிறைத்தண்டனை விதிக்கப்பட்டதாகவும், பின்னர் அந்தத் தண்டனை மரண தண்டனையாக அதிகரிக்கப்பட்டதாக தகவல்கள் வெளியாகியுள்ளதாகவும் தெரிவிக்கப்பட்டுள்ளது. எனினும், மரண தண்டனை குறித்த தகவலை இலங்கை வெளிவிவகார அமைச்சு இதுவரை அதிகாரப்பூர்வமாக உறுதிப்படுத்தவில்லை.

குறித்த சமூக ஊடகப் பதிவை சில நிமிடங்களிலேயே நீக்கி, பகிரங்கமாக மன்னிப்புக் கோரியதாக தெரிவிக்கப்படும் நிலையில், அனோஜனுக்கு தனது தவறை உணர்ந்து வாழ்க்கையை மீண்டும் கட்டியெழுப்புவதற்கான வாய்ப்பு வழங்கப்பட வேண்டும் என அலி சப்ரி தெரிவித்துள்ளார்.

மேலும், அனோஜனுக்கு உரிய சட்ட உதவிகளை வழங்குவதுடன், இலங்கை அரசாங்கம் உயர்மட்ட இராஜதந்திர நடவடிக்கைகளை மேற்கொள்ள வேண்டும் என்றும், நீதியுடன் கருணையும் இணைந்திருக்க வேண்டும் என்றும் அவர் கோரிக்கை விடுத்துள்ளார்.