டெல்லி முதலமைச்சருடன் இலங்கை ஜே.வி.பி பொதுச்செயலாளர் டில்வின் சில்வா முக்கிய சந்திப்பு!

அரசு முறைப் பயணமாக இந்தியா வந்துள்ள டில்வின் சில்வா தலைமையிலான உயர்நிலைக் குழுவினர், டெல்லியில் உள்ள முதலமைச்சர் அலுவலகத்தில் இச்சந்திப்பை மேற்கொண்டனர்.

இச்சந்திப்பின் போது, இலங்கை மற்றும் இந்தியாவிற்கு இடையிலான வரலாற்றுச் சிறப்புமிக்க நட்புறவு, நகர மேம்பாடு, மக்கள் நலத் திட்டங்கள் மற்றும் உள்ளாட்சி நிர்வாக முறைகள் குறித்து இரு தலைவர்களும் விரிவாகக் கலந்துரையாடினர்.

புதுடெல்லி மாதிரி நிர்வாகம் குறித்துக் கேட்டறிந்த குழுவினர்

டெல்லியில் செயல்படுத்தப்பட்டு வரும் கல்வி மற்றும் சுகாதாரத் துறை சார்ந்த மறுமலர்ச்சித் திட்டங்கள் குறித்தும், பொதுமக்களுக்கான அடிப்படைச் சேவை விநியோக முறைகள் குறித்தும் டில்வின் சில்வா கேட்டறிந்தார்.

இச்சந்திப்பு மிகவும் சுமுகமாகவும் பயனுள்ளதாகவும் அமைந்ததாகக் குறிப்பிட்ட டில்வின் சில்வா, இரு நாட்டு மக்களிடையேயான சமூக, பொருளாதார மற்றும் கலாச்சாரத் தொடர்புகளை மேலும் வலுப்படுத்த இத்தகைய சந்திப்புகள் பெரிதும் உதவும் எனத் தெரிவித்தார். இச்சந்திப்பின் போது இருதரப்பு முக்கியப் பிரதிநிதிகளும் உடனிருந்தனர்.